Паўночна-Заходняе рускае веча

Паўночна-Заходняе рускае веча, руская манархічная партыя ў Паўночна-Заходнім краі Расійскай імперыі (канец 1905-май 1906). Штаб-кватэра ў Вільні. Выдавала газету "Белая Русь".

Быўшы па сваіх праграмных усталёўках манархічнай арганізацыяй, «Рускае Веча» вельмі блізка стаяла да акцябрыстаў, з якімі нават вяло перамовы пра аб'яднанне. Галоўная мэта партыі фіксавалася ў Статуце: «...стоячы на глебе маніфеста 17 кастрычніка 1905 г., Грамадства «Паўночна-Заходняе Рускае Веча» мае мэтай аб'яднанне рускага насельніцтва Паўночна-заходняга края ў выглядах аховы рускіх народных інтарэсаў у вобласці грамадска-палітычнага жыцця ва ўсіх яго праявах. «Рускае Веча» імкнулася зарыентаваць усё праваслаўнае насельніцтва Беларусі і Літвы на падтрымку самаўладдзя як спрадвечна рускай улады. Партыя высунула і адпаведны лозунг: «Рускія людзі, заходнія ўскраіны, аб'яднайцеся!».

Цэнтральны савет заходзіўся ў Вільне і складаўся з 14 членаў. У маі 1906 года ў выніку ўнутраных супярэчнасцяў арганізацыя спыніла існаванне.

Літаратура

• Бондаренко К. М. Правый и консервативный монархизм на территории Беларуси в 1905-1917 гг. // Актуальныя праблемы гісторыі Беларусі: стан, здабыткі і супярэчнасці, перспектывы развіцця: Матэрыялы рэспуб. навук. канф.: У 4 ч. Ч. 2 / Пад рэд. І.П.Крэня, У.І.Навіцкага, І.А.Змітровіча. – Гродна: ГрДУ, 2003.- С. 83-87.